Внатрешен дизајн во Скопје

Што опфаќа проектот за внатрешен дизајн

Секој простор има различни ограничувања и различна намена. Стан од 60 m² бара поинаков пристап од семејна куќа, канцеларија или продажен простор.

Затоа работата започнува со анализа на постојната состојба и разговор со инвеститорот. Се разгледува како се користи просторот, што треба да се промени и кои се приоритетите при уредувањето.

Во зависност од проектот, внатрешниот дизајн може да опфати:

• функционална организација на просторот
• распоред на мебел
• избор и позиционирање на осветлување
• избор на подови, ѕидни облоги и други материјали
• решенија за мебел по мерка
• обработка на ѕидови и тавани
• избор на бои и завршни материјали
• усогласување со електрични, водоводни и други инсталации
• 3D визуелизации
• технички цртежи потребни за изведба

Точниот обем се определува според просторот и потребите на инвеститорот.

Внатрешен дизајн на стан

Кај становите, добрата организација често е поважна од самата квадратура.

Позицијата на кујната, трпезаријата, дневниот престој, просторот за складирање и комуникацијата меѓу просториите директно влијаат врз секојдневното користење на домот.

При изработка на ентериер за стан внимаваме максимално да се искористи расположливиот простор без непотребно оптоварување со мебел и декоративни елементи.

Кај постоечки станови дополнително се земаат предвид инсталациите, конструктивните ограничувања и можностите за промена на распоредот.

Внатрешен дизајн на куќа

Кај семејните куќи проектот за ентериер може да се развива паралелно со архитектонскиот проект.

Ова овозможува уште во рана фаза да се усогласат позициите на мебелот, осветлувањето, приклучоците, санитарните елементи и останатите детали со архитектурата на објектот.

Кога овие одлуки се носат навреме, се намалува потребата од дополнителни промени откако ќе започне изградбата.

Кај веќе изградени куќи пристапот е различен. Тогаш решението се приспособува на постојната конструкција, инсталации и просторни можности.

Дизајн на канцеларии и деловни простори

Деловниот простор треба добро да изгледа, но пред сè треба добро да функционира.

Кај внатрешен дизајн на канцеларии и деловни простори се анализираат бројот на корисници, движењето низ просторот, работните позиции, осветлувањето, акустиката, просторот за состаноци и потребите за складирање.

Кај продажни, услужни и други комерцијални простори се зема предвид и движењето на посетителите, начинот на презентација на производите или услугите и визуелниот идентитет на компанијата.

Целта е ентериерот да одговара на реалното користење на просторот, а не само да изгледа добро на визуелизација.

Од идеја до проект што може да се изведе

3D визуелизацијата е корисна за да се види како ќе изгледа просторот, но сама по себе не е доволна за добра изведба.

За реализација се потребни јасно дефинирани димензии, материјали, позиции на елементите, осветлување и детали што треба да ги следат изведувачите.

Токму затоа внатрешниот дизајн го третираме како проект, а не само како избор на стил, бои и мебел.

Кога Инком Инженеринг е вклучен и во архитектонскиот проект на објектот, ентериерот може да се координира со останатите проектни фази уште пред почетокот на изведбата.

Како тече изработката на ентериер

1. 1. Разговор и анализа на просторот

   Ги утврдуваме потребите на инвеститорот, намената на просторот, расположливата квадратура и постојната состојба.

   Кај постоечки објекти се разгледуваат и можностите и ограничувањата за интервенција.

2. 2. Организација на просторот

   Се разработува функционалниот распоред и позицијата на главните елементи.

   Ова е фазата во која треба да се решат најважните просторни прашања пред да се премине на материјали и детали.

3. 3. Разработка на дизајнот

   По усвојување на распоредот се дефинираат материјалите, мебелот, осветлувањето, боите и останатите елементи што го формираат карактерот на ентериерот.

4. 4. 3D визуелизација

   Визуелизациите овозможуваат инвеститорот да го види предложеното решение пред да започне неговата реализација.

   Така полесно се носат одлуки за материјали, пропорции, мебел и останати детали додека промените сè уште се прават во проект, а не на градилиште.

5. 5. Техничка документација

   По дефинирањето на решението се подготвуваат потребните цртежи и детали за реализација.

   Обемот на документацијата зависи од конкретниот проект и договорениот ангажман.

Внатрешен дизајн и реконструкција

Кај реконструкција или адаптација на постоечки простор, ентериерот е тесно поврзан со архитектонските и градежните интервенции.

Промена на позиција на кујна или бања, отстранување или додавање ѕидови, нови отвори и поголеми промени на инсталациите не треба да се разгледуваат изолирано како декоративни интервенции.

Пред вакви промени треба да се проверат конструктивните и техничките можности на постоечкиот објект.

Искуството на Инком Инженеринг во проектирање, реконструкција и изведба ни овозможува ентериерот да го разгледуваме како дел од целиот објект, а не само како негов завршен слој.

Колку чини проект за внатрешен дизајн?

Цената зависи од квадратурата, типот на просторот и обемот на услугата.

Не е ист ангажман да се разработи ентериер на една просторија и да се подготви целосен проект за стан, куќа или деловен простор со визуелизации, технички цртежи и мебел по мерка.

За конкретна понуда потребни ни се основни информации за просторот, неговата квадратура, локацијата и што сакате да биде опфатено со проектот.

Често поставувани прашања